Archive

Archive for November, 2010

Miyau Koh Poh Bala!

November 1, 2010 Comments off

Wawagu diti nokoongoi oku sid KK tu waro piupakatan it dang karajaonku. Nopongo it piupakatan dagai, minokiatod oku noh sid “airport KKIA” dot muli.

Nososolumato ku noh iso ot koruang. Gisom kopitutun boh ino tu asarok kopisambat sid “airport.” Minogulu oku noh kabarasan dot minongilou dau.

“Miyau koh poh bala!” kah dit koruang sinumimbar.
“Nokuro, waro tabar norongou nuh oi?” kangku noh sumimbar kembagu.
“Aso i boh.” kah dit koruang sumimbar med musum-kusum om tumoronong minsomok.

Oleed okoi dialo mituturan dit gama yah kumaraja. Kopitoluwoyo okoi nogi bala iseso kapaltarabang sakaan yah muli. Nupupusan tuturan yah sera lino’ow okoi noh sumuwang id saralom dit “airport”.

Kangku nonoh om, kopisusuwai ot gama koruang sumimbar. Waro otulid it gama, waro poh kopaki, wokon kentulus. Ong orobuk ot ginawo andang ko pigogutan ot okitanan. Kowosian tulun tokou tidino, kaarati noh mongokono dit gama ponomboros dot koruang. Mitotoluod tokou noh boh, alambat tokou i diti kopisasambat mari.

Categories: Tuturan-i Baanar