Archive

Archive for June, 2010

La’ad Om Le’ed.

June 18, 2010 Comments off

Nunu ot tabar kinoruangan kimaragang? Ompopodonku dot aliali kou i kikiawi. Otomon oku dot nakalaga om kopiguguli kou i siti. Ititi boh tu, aso tantu ot osoliduk dikoo siti. Minsan ko irad dino, kotoluadan sid dikoo tu kakal kou i mangakap tongo tuturan siti.

Tuturan biano irad ko ilo tulu dot boros ad sawat. Okon i boh ko kaarati oku banar diti dot boros kimaragang, nga gisom it ososorou ku la’ad om le’ed kopisuwai ot komoyoon dilo. Kotututuranku no poh siti ilo boros dilo nga mantad tongo gama kinoruangan potulis sid tongo komen daalo. It le’ed ko leed ot komoyoon daraai nga la’ad ko laad kah nogi ot gama potulis.

Ong sid boros tokou kimaragang, le’ed antawa leed, komoyoon no poh nga it pogisaman dot tiya. It boros dot la’ad antawa laad kah, komoyoon no poh dit boros dino nga yumangag. Irad ko mutuku ot tulun, om poyangagon dino it tulu yoh, panambarasan suwai, iri noh tu laad.

It gama momoros dino laad om leed irad ko id siba diti:-

  1. Kadung ko norongou dialo bongut dit tama yoh, laad noh yalo sumirot med mongonining.
  2. Leed dialo sid taras, tinangas dot tusing it rinapa yoh.

Mompod oku dot noruangan om notungag it gama tokou momoros dot kimaragang.

Kokiraai ong amu nokolintotok it gamaku siti, tabangai oku dikoo.

Advertisements
Categories: Boros Kimaragang