Archive

Archive for March, 2010

Monongadau.

March 24, 2010 1 comment

Monongadau antawa magadau, komoyoon dot aso darun om alasu ot komamanon pomogunan opurimanan. Kikawut pomah okitanan sid sawat nga mitalib i dot amu dumarun.

Nunu poh rumasak ot bawang, kumoring ot paluw om rumukung ot tinanom. Ong manalu dot pulut, aso pulut tumiri. Roon nga mundaliw rumagang om rumatu.

Sakot posorili nga rumuyou. Aso tinganan ong osilok dot tapui, sumikit. Ong amu opisok talangkas, romoliw poh sid gowuton om sumiliw dino dot tandab.

Andamanku dit gulu, sera tiya dot monongadau, orikot nopoh dot sodoi, otimpan sid kosokidan tandab tagayo. Kiroon i, kayu tongo gagayo, osinggalap sinikit dot tapui.

Waro insan tadau, it tapui sid kosokidan nokorikot sid napu. Ai oboh notigagang okoi mari sid Longob. It tapui mituropik sid tuntu dot niyuw. It walai ong rumbiyo ot taap, osorob.

Song tangkus nopoh ot tulun momisok kabarasan dot tapui ombo it asaapan. Nokotingan oku poh tumanud kinoruangan momisok dot tapui sid sarayo dot Longob. Mamabo supirikan kisuwang dot weeg. Ades kopusok it lisun, opodos nogi sid mato. Awasi, nopisok i dagai it tapui.

Kotigagang boh ino tapui. Iri nogi, isai kinoruangan dit aso putut monigup, kadungko opupusan monigup pisokon tantu it noolu om okonko songko pataamai, kosorob dati ino. Isai suul, tokow i tokow ot andab dati.

Advertisements
Categories: Kowowoyoon Pomogunan