Archive

Archive for August, 2009

Kowaan Tokou

August 28, 2009 4 comments

Andaman ku it okodok okoi poh di Onoi, sera mongoi okoi dialo sid walai di nini, osodu poh momoros noh i Onoi dot “Puntiii!” kah. Kikiro popelo boh iri dot rumikot okoi dialo.

Nah kadungko kendakod okoi noh, musum kusum noh i nini med posurung dot punti om palawan. Gisom i boh dagai dialo dino dot mangakan dot punti om palawan.

Ogumu kowaan tokou iri noh ratu, bundu, nangko, pulutan, rangalau, mogitom, mangga, wani, lansat, madang, pugi, om wokon poh.

Kasarakan dit gulu andamanku kowaan dit opisambat kadung ko alaga noh ot monongkowaan iri noh madang, lansat, bundu om mangga. Ong it wookon dino okudik ot nakasakag. Obobos boh mari ong alaga noh ot monongkowaan mangakan dot kowaan.

Tidino, mad ko oleed oku noh amu naksambat dot bundu. Amu elaan ong ki bundu poh ko aso sid Tandek boh.

Tupono: Awasi dati ong manakag dit tongo kowaan tokou minsanko amu kakaya ino ponong sid kosiinan nga kakaya i dit kobasanan om pangandaman dit pomogunan nontodonon tokou.

Advertisements
Categories: Tuturan-i Baanar