Archive

Archive for March, 2009

Nopisok Winawau.

March 30, 2009 4 comments
Salong lilin

Salong lilin

Jam 8.30pm – 9.30pm dit 28/03/2009 minundang oku kabarasan momisok dot lampu. Namot dit nopisok ot lampu, minodsubo oku diri dot lilin. Iri noh tu, gisom kopiimpuros dot wuros ot winawau dit lilin.

Minsanko irad diri, otomon babanar it tongo tanganakku tu amu insan koombal mononglampu dot lilin. Songgiakan nopoh om siti silo mingtangkus dot otomon om mingkaso dit sangai yoh dino.

Kowosian i diri balai it nakatanud oku momisok dot lampu om minodsubo dot lilin tu noruangan pongilaan wagu it tongo tanganakku. Ong dadan dot lampu flouresent tu aso sangai mimbulai, misingkoleed dati it tongo tanganakku amu kelo nunu ot reetan dot sangai.

Nunukah komoyoon dit momisok dot lampu diri? Iri noh tu sumasi dot mininsawat noh ot linasu dot pomogunan makaa kakah. Panambarasan kinoruangan dit kikoosipan inonoh, katanda dit pongimpupusan dot pomogunan iti minsawat ot linasu dot pomogunan, kakah.

Aso boh karaatan tinumanud dit momisok lampu diri. Om aso nogi kasalaan ong amu tinumanud. Minduduwo nga sompi nakaarati nunu ot tomodon diri, iri noh tu nakasasi dit noundaliw noh ot linasu dot pomogunan. Ong wadsakon momoros waro noh kinoinsawatan dit linasu dot pomogunan mantad ko it kodori.

Tupono: Sagai pogi, amu noh apadat ot komburung sumuni, okonko gisom nosimban noh it kowowoyoon sid kampung tokow nga kipayat poh bala dot alasu diri iti pomogunan. Isai owoh ot pokionuwan tokow dot sogit ponogit diti pomogunan linumasu?

Advertisements
Categories: Kowowoyoon Pomogunan